Umar Guzaar Dijiye, Umar Guzaar Di Gae... By Jaun Elia

Halat-E-Haal Kay Sabab, Halat-E-Haal Hee Gae

Shauq Main Kuch Nahi Gaya, Shauq Kee Zindagi Gae

Tere Wisaal Kay Liye, Apne Kamaal Kay Liye

Halat Dil Ki Thi Kharaab, Aur Kharaab Kee Gae

Aik Hee Hadsa Tau Hai, Aur Wo Yeh Kay Aaj Takk

Baat Nahee Kahee Gae, Baat Nahee Sunee Gae

Baad Bhee Tere Jaan-E-Jaan, Dill Main Raha Ajab Samaan

Yaad Rahee Teri Yahan, Fir Teri Yaad Bhee Gae

Sehan-E-Khayaal-E-Yaar Main, Kee Na Basar Shab-E-Firaaq

Jab Se Woh Chandna Gaya, Jabse Woh Chandni Gae

Nasha-E-Shouq-E-Rang Main, Tujh Se Judaee Ki Gae

Aik Lakeer Khoon Ki, Beech Main Kheench Dee Gae

Thi Jo Kabhi Sar-E-Sukhan, Meri Woh Khamoshi Bhee Gae

Haayee Kaha Suna Ki Baat, Haayee Woh Baat Bhee Gae

Shouq Ki Aik Umar Main, Kese Badal Sake Ga Dill

Nabaz-E-Junoon Hee Tau Thii, Shehar Main Doobati Gae

Uski Galii Se Uth Kar, Main Aan Para Tha Apne Ghar

Aik Galii Ki Baat Thee, Aur Galii Galii Galii Gae

Unki Umeed-E-Naaz Ka, Hum Se Yeh Maan Thaa Kay Aap,

Umar Guzaar Dijiye, Umar Guzaar Di Gae

Daur Ba Daur, Dill Ba Dill, Dard Ba Dard, Dum Ba Dum

Tere Yahan Riayat-E-Haal Nahee Rakhi Gae

#Jaun Junoob-E-Zard Kay, Khaak Basar Yeh Dukh Uthaa

Mauj-E-Shimaal-E-Sabz-E-Jaan, Aaie Thi Aur Chalee Gae

Kya Woh Gumaan Nahee Raha? Haan Woh Gumaan Nahee Raha

Kya Woh Umeed Bhee Gae? Haan Woh Umeed Bhee Gae

Baat K0e Umeed Ki, Mujh Se Kahee Nahee Gae

So Mere Khuwaab Bhee Gaye, So Meri Neend Bhee Gae

Tum Nay Bohat Sharaab Pee, Iska Sabhee Ko Dukh Hai Jaun

Aur Jo Dukh Hai Woh Yeh Hai Kay, Tumko Sharaab Pee Gae

Jaan Tere Firaaq Main, Shaam Se Shab Jo Ki Gae...

Kho0b Sharaab Pee Gae, Aur Kharaab Pee Gae

Shikwaah Jo Hai Tau Iska Hai, Shikwaah Nahee Kiya Gya

Ranj Jo Hai Tau Iska Hai, Baat Faqat Sahee Gae

Jiska Surood-E-Roshni, Mehfil-E-Shab Feroz Tha

Us Dill-E-Daagh Zaar Se, Apni Roshni Bhee Gae...

for more jaun elia poetry visit this Link