Yeh Jo Deewane Sy Do Chaar Nazar Aate Hain, - Saghar Siddiqui

Yeh Jo Deewane Sy Do Chaar Nazar Aate Hain,

In Main Kuch Sahib-E-Asraar Nazar Aate Hain,

Teri Mehfil Ka Bharam Rakhte Hain So Jate Hain,

Warna Yeh Log Tau Bedaar Nazar Aate Hain.

Door Tak Koe Sitara Hai Na Koe Jugnu,

Marg-E-Umeed Kay Asraar Nazar Aate Hain,

Mere Daman Main Shararon Kay Siwa Kuch Bhi Nahi,

Aap Pholon Kay Kharidaar Nazar Aate Hain,

Kal Jise Chu Nahi Sakti Thi Farishton Ki Nazar,

Aaj Wo Ronaq-E-Bazaar Nazar Aate Hain,

Hashar Main Kon Gawahi Meri Dy Ga Saghar,

Sab Tumhare Hee Tarafdaar Nazar Aate Hain,

Yeh Jo Deewane Sy Do Chaar Nazar Aate Hain,

In Main Kuch Sahib-E-Asraar Nazar Aate Hain,